Kompetenz басшылығы компаниядан қаражат шығарды деген күдікке ілінді

13 Ақпан, 13:19
0
Kompetenz басшылығы компаниядан қаражат шығарды деген күдікке ілінді - © 2gis.kz
© 2gis.kz

"Kompetenz" АҚ тексеру барысында активтердің үштен бір бөлігі мөлшерде компаниядан қаражат шығару белгілері бар келісімшарттар анықталды. Бұл туралы Қазақстан үкіметі баспасөз қызметінің өкілдері мәлімдеді, - деп хабарлайды Tengrinews.kz тілшісі. 

Ұлттық банк тұрақты негізде қаржылық орнықтылықты және сақтандыру нарығының ашықтығын қамтамасыз ету және жосықсыз қатысушыларға - сақтандыру компанияларына, сақтандыру брокерлеріне қадағалау шараларын қабылдау бойынша жүйелік шараларды жүргізеді. Соңғы үш жыл ішінде 4 сақтандыру компаниясы қайта ұйымдастырылып, лицензияларын ерікті түрде тапсырды. Ұлттық банк қабылдап жатқан шаралар қадағалау процесінің бір бөлігі болып табылады және сақтандыруға деген сенімді арттыруға және сақтандыру нарығынан активтерді шығаруға жол бермеуге бағытталған.

"Ұлттық банк Басқармасының 2019 жылғы 31 қаңтардағы № 10 қаулысында Компания 2019 жылғы 1 ақпаннан бастап лицензияның қолданылуы бірнеше рет (соңғы он екі ай ішінде екі рет) тоқтатылғаны үшін Сақтандыру қызметі туралы заңда көзделген негіздер бойынша "жалпы сақтандыру" саласы бойынша сақтандыру (қайта сақтандыру) қызметін жүзеге асыруға берілген лицензиясынан айырылды", - делінген Ұлттық банк хабарламасында. 

Осыған дейін Ұлттық банк компанияға қатысты 2014 жылдан бастап жүйелі түрде мына шараларды қолданды:

2014 жылы - шектеулі ықпал ету шаралары - 6 рет, әкімшілік жаза түріндегі санкциялар - 41 рет;

2015 жылы - шектеулі ықпал ету шаралары - 10 рет, әкімшілік жаза түріндегі санкциялар - 1 рет;

2016 жылы - шектеулі ықпал ету шаралары - 7 рет, әкімшілік жаза түріндегі санкциялар - 11 рет;

2017 жылы - шектеулі ықпал ету шаралары - 9 рет, әкімшілік жаза түріндегі санкциялар - 69 рет, басшы қызметкерлерді шеттету - 1 рет;

2018 жылы - шектеулі ықпал ету шаралары - 9 рет, әкімшілік жаза түріндегі санкциялар - 33 рет, лицензияның қолданылуын тоқтата тұру - 2 рет, жеке сақтандыру сыныбы бойынша лицензиядан айыру - 1 рет.

Компанияға қатысты қолданылған шаралардан ешқандай әсер болмағандықтан, нормативтерді бұзу жиілігі мен ұзақтығын (2017 жылы бұзушылық 10 есептік күнге, 2018 жылы 7 есептік күнге жіберілді) ескере отырып, Ұлттық банк сақтандырудың жекелеген сыныптары бойынша лицензияны екі рет тоқтата тұрды және жүктерді сақтандыру сыныбы бойынша лицензиядан айырды. 

Сонымен қатар, тексеру аясында Компанияның лауазымды адамдары жасасқан Компания активтерінің 1/3 мөлшерінде компаниядан қаражатты шығару, оның ішінде шетелде қайта сақтандыру кезінде шығару белгілері бар келісімшарттарды анықтады. Тиісті мәліметтер Ұлттық банк құқық қорғау органдарына берді.  

Kompetenz өкілдері компанияның жалғыз акционері Жанар Қалиева 2019 жылғы 24 қаңтарда алдын ала компанияны ЖШС нысанында заңды тұлғаға қайта ұйымдастыру туралы шешім қабылдағанын хабарлады. Компания сақтандыру қызметін жүзеге асырмайды. 

Получить короткую ссылку


  • Подписаться на канал новостей TengriNews:

  • Google News
  • Yandex News
  • Yandex Zen

Нравится Поделиться
Пікір қалдырыңыз
Оқылып жатыр
Талқыланып жатыр
Бүгін
Апта
Ай