Tengri FM Радиосы Радио Жұлдыз FM Қазақстан заңдары Экономика сабақтары
KZ RU EN
Бізге жазба жолдау +7 (727) 388 8124
искать через Tengrinews.kz
искать через Google
искать через Yandex
USD / KZT - 333.32
EUR / KZT - 392.58
CNY / KZT - 50.02
RUB / KZT - 5.64

Алматыда "Оркестрлер шеруі" фестивалі ашылды

10 Қыркүйек 2014, 00:59
0
©Болатбек Мұхтаров
©Болатбек Мұхтаров
Фестивальдің бірінші күні Алматы қаласы әкімінің эстрадалық-симфониялық оркестрі мен ресейлік KVATRO тобы өнер көрсетті. ©Болатбек Мұхтаров
Фестивальдің бірінші күні Алматы қаласы әкімінің эстрадалық-симфониялық оркестрі мен ресейлік KVATRO тобы өнер көрсетті. ©Болатбек Мұхтаров
Фестивальдің бірінші күні Алматы қаласы әкімінің эстрадалық-симфониялық оркестрі мен ресейлік KVATRO тобы өнер көрсетті. ©Болатбек Мұхтаров
Фестивальдің бірінші күні Алматы қаласы әкімінің эстрадалық-симфониялық оркестрі мен ресейлік KVATRO тобы өнер көрсетті. ©Болатбек Мұхтаров
Жазғы театр залы көрерменге лық толды. ©Болатбек Мұхтаров
Жазғы театр залы көрерменге лық толды. ©Болатбек Мұхтаров
©Болатбек Мұхтаров
©Болатбек Мұхтаров
©Болатбек Мұхтаров
©Болатбек Мұхтаров
©Болатбек Мұхтаров
©Болатбек Мұхтаров

Алматыда "Оркестрлер шеруі" V классикалық музыка фестивалі ашылды. Фестиваль Мәдениет және демалыс орталық саябағының жаңадан салынған "Шабыт" жазғы амфитеатрында үш күн бойы өтеді. 2000 адамға арналған амфитеатр ашық аспан астындағы заманауи ауқымды музыкалық шараларға бейімделіп тұрғызылған. "Оркестрлер шеруінің" алғашқы күні жазғы театр көрерменге лық толды.

Фестивальдің бірінші күні Алматы қаласы әкімінің Александр Беляков жетекшілік ететін эстрадалық-симфониялық оркестрі мен ресейлік KVATRO вокал коллективі өнер көрсетті. Концерт оркестрдің орындауындағы Артур Оренбургскийдің "С любовью из Казахстана" шығармасымен ашылды. Бұдан соң сахнаға шыққан ресейлік квартет Томазо Альбинонидің "Адажиосын", Агустин Лараның "Гранадасын", Чезарио Биксионың "Мама" әнін, "Кармен", "Турандот" операларындағы арияларды және "ұлы орыс романсы" аталып кеткен жанрдың жарқын үлгілерін орындады. Bella ciao, Americano, Besame mucho сияқты танымал әндер де шырқалды.

Өнер ұжымы оркестрдің сүйемелдеуінсіз де ән салып, көрермендердің ықыласына бөленді. Алматылықтар кеш соңында музыканттардан сахнадан кетпеуді, тағы бір ән салуды өтінді. KVATRO Флориан Герман мен Евгений Гребинканың әйгілі "Очи черные" әнін орындап, мінсіз вокалымен, биік кәсіби шеберлігімен тыңдармандарды тәнті етті.

10 қыркүйек күні "Оркестрлер шеруінде" Н.Тілендиев атындағы "Отырар сазы" академиялық фольклорлық-этнографиялық оркестрі қазақ композиторлары мен Жорж Бизе, Эдвард Григ, Джакомо Пуччини, Арам Хачатурян сияқты әлем классиктерінің шығармаларын ұлттық аспаптар үнімен жарастырады. Фестивальдің соңғы күні Қанат Ахметов жетекшілік ететін Мемлекеттік үрмелі аспаптар оркестрі әлемге әйгілі мюзиклдер әуендерін орындайды. Бұл күні гитарашы Вахтанг Торели де өз өнерін ұсынады.

Еске сала кетейік, өткен жылы "Оркестрлер шеруінде" "Отырар сазы" оркестрі мен Ресейдің Империялық орыс балеті театры "Шахерезада" қойылымының әлемдік премьерасын өткізген болатын. Н.А.Римский-Корсаковтың әйгілі симфониялық сюитасы тұңғыш рет қазақтың ұлттық аспаптарымен орындалып, осы музыкаға қойылған балетке өзгеше өң берді. Ал 2012 жылы өткен "Оркестрлер шеруі" фестивалі Италияның атақты опера әншісі Алессандро Сафинаның жеке концертімен есте қалды.


Нравится
Поделиться
Пікір қалдырыңыз
Оқылып жатыр
Талқыланып жатыр
Бүгін
Апта
Ай