Әнші Бейонсе Мадоннаның MTV Video Music Awards жүлделері бойынша рекордынан асып түсті. Бұл америкалық орындаушының 21-ші олжасы, - деп хабарлайды The Hollywood Reporter.
Әнші "Formation" бейнебаяны мен композициясы үшін MTV Video Music Awards 2016 байқауында бас жүлдені жеңіп алды. Осыған дейін жүлделер бойынша рекордтың иесі атақты америкалық орындаушы Мадоннаға тиесілі етін, ол 20 рет осы жүлдені жеңіп алған екен.
Айта кетейік, MTV Video Music Awards байқауының марапаттау рәсімі 28 тамызда Нью-Йорк каласында өтті. Жеңімпаздарды әншілердің жанкүйерлері таңдаған. Номинанттар арасында әнші Рианна да болған.
Осыған дейін Бейонсе мен Адельдің бағдарламалары "Эммиге" ұсынылғаны туралы хабарланған еді.
