Димаш Құдайберген француздарды тәнті етті

02 Мамыр 2017, 21:53
2
Димаш Құдайберген француздарды тәнті етті - Видеоның скриншоты
Видеоның скриншоты

Димаш Құдайберген Францияның "France 2" бағдарламасында өнер көрсетті, - деп хабарлайды Tengrinews.kz тілшісі әншінің PR-директоры әрі досы Алпамыс Шаримовқа сілтеме жасап.

Шаримовтың айтуынша, Димаш Құдайбергенді Les années bonheur жобасының бас жүргізушісі
Себастьян Патрик шақыртқан. "Ол Димашты Интернеттен көріп, Франциядағы бағдарламасына арнайы құрметті қонақ ретінде шақырды. Бағдарламада Димашпен бірге әлемге танымал көптеген өнер жұлдыздары өнер көрсетті. Осы кеште LP Лаура да (Лаура Перголицци) ән айтатын болады", - деп хабарлады ол.


© Алпамыс Шаримов

Бағдарлама 6 мамырда көрсетіледі. Бұл туралы әншінің өзі де Instagram желісінде жазды.

"Францияның "France 2" орталық телеарнасындағы Еуропаның ең танымал бағдарламасы "Les années bonheur" кабаре шоуының құрметті қонағы боламын! Әлемдік өнер жұлдыздары бір саxнада тоғысқан аталмыш кеш 6 мамыр күні Франция уақытымен 20:55-те өткізіп алмаңыздар!!!", - деген әнші бағдарламаның үзіндісі көрсетілген видео жариялады. 

Видеода көрермендердің қазақстандық әншінің өнерін ерекше ықыласпен тамашалап отырғанын байқауға болады.


  • Подписаться на канал новостей TengriNews:

  • Google News
  • Yandex News
  • Yandex Zen

Нравится Поделиться
Пікірлерді көру (2)
Оқылып жатыр
Талқыланып жатыр
Бүгін
Апта
Ай