+7 (777) 001 44 99
ПОДЕЛИТЬСЯ
Қазақстандық әнші Димаш Құдайберген шоу-бизнеске деген көзқарасын айтты. Бұл туралы одан жақында "Славян базары" мерейтойлық фестивалі ашылған Беларусьтің Витебск қаласында өткен баспасөз мәслихатында журналистер сұрады, - деп хабарлайды Tengrinews.kz тілшісі DimashNews сайтына сілтеме жасап.
Қазақстандық әнші Димаш Құдайберген шоу-бизнеске деген көзқарасын айтты. Бұл туралы одан жақында "Славян базары" мерейтойлық фестивалі ашылған Беларусьтің Витебск қаласында өткен баспасөз мәслихатында журналистер сұрады, - деп хабарлайды Tengrinews.kz тілшісі DimashNews сайтына сілтеме жасап.
2015 жылы Димаштан "Славян базарында" алғаш сұхбат алған журналист Тамара Вятская "Алты жыл ішінде шоу-бизнеске көзқарасың өзгерді ме?" деп сұрады. Бұл сұраққа ол табиғаты жағынан өзін шоу-бизнес өкілі емес, шығармашылық адамы деп санайтынын айтты.
"Шынымды айтсам, маған ешқашан ұнамаған, - деді әнші, - бірақ мен музыканы шексіз сүйемін. Қазіргі әлемде бірі екіншісіз өмір сүре алмайды, сондықтан шоу-бизнеске етім үйренді".
Димаш Құдайберген кімге жанкүйер болады деген сұраққа әртіс елінің патриоты ретінде Қазақстаннан келген қатысушыға қолдау көрсететінін айтты. Алайда бұл оның тарапынан жеңілдіктер болады дегенді білдірмейтінін қосты.
"Славян базары" - елдер мен менталитеттер арасындағы барлық шекара жойылатын және барлық адам музыка тілінде сөйлесетін алаң. Маған қазір өзім қатысушы ретінде қатысқаннан әлдеқайда зор жауапкершілік артылып отыр", - деді әнші.
Ол сәттілік тілеп, конкурсқа қатысушыларға кеңес берді: техникалық жағынан аса ауыр емес әнді таңдаған дұрыс, бірақ оны 100 пайызға орындау керек.
Сондай-ақ, әнші көптен күткен жаңалығын бөлісті: жарты жылдан кейін жаңа бағдарламамен үлкен стадионда концерті өтеді. Өткізу күні мен орны кейінірек белгілі болады.
Димаш арманы туралы айта келе, бір күні аты аңызға айналған "Уэмбли" стадионында концерт бергісі келетінін бөлісті.
Сілтемесіз жаңалық оқисыз ба? Онда Telegram желісінде парақшамызға тіркеліңіз!
