Ресейлік MBAND тобының жанкүйерлері кумирлерінің Алматыдағы кафелердің бірінде қойған концертінен кейін шу шығарды, - деп хабарлайды КТК телеарнасы.
Жеткіншек қыздар мен олардың ата-аналары жас жігіттер ән айтқан ғимаратта шу шығарды. Жиналған жұрт ұйымдастырушылардың алдағандарын айтты. Олардың айтуынша, ұйымдастырушылар әншілермен бірге суретке түсіп, қолтаңба алуға болатынын айтқан.
.jpeg)
2 маусымда боған концерт ғимараты маңында жиналған жұрт. © ktk.kz
.jpeg)
© ktk.kz
.jpeg)
© ktk.kz
"15 мың төледім, бірақ адам саны көп болды да ештеңе ала алмадым, ешкіммен суретке түсе алмадым. Және концерттің ортасында өзімді жаман сезіндім де далада отырдым", - деді Айсұлу Әбдіқалықова.
.jpeg)
Жанкүйерлердің бірі Айсұлу Әбдіқалықова. © ktk.kz
Жанкүйерлердің айтуынша, ұйымдастырушылар тар ғимаратқа адамдарды толтырған. Күзетшілер жиналған жұртты әрең ұстап тұрыпты. 200 адамға арналған орында екі есе көп жанкүйер болды.
.jpeg)
© ktk.kz
.jpeg)
© ktk.kz
.jpeg)
© ktk.kz
"Пештің жанында тұрғандай болдық. Желдеткішті сұрадық. Кіріп қарадық, бір желдеткіш істеген жоқ. Менің қызым, бес-алты бала ана жерден құлап, бері қарай жүгіріп шықты", - деді Инна Немченко.
.jpeg)
Инна Немченко. © ktk.kz
Телеарнаның хабарлауынша, ұйымдастырушылар шығып, ақшаны біртіндеп қайтаратындарын айтқан.
.jpeg)
© ktk.kz
"Бірақ, қолындағы ақша барлығына бірдей жетпей қалды. Қалғанын ертең беретін болып келісті. Егер тағы алдап кететін болса, ата-аналар істі сотқа дейін жеткізбекші", - делінген телеарна сюжетінде.
Интернетте концерт кезінде түсірілген бірнеше видео пайда болды.
