1. Басты
  2. Біл
  3. Мәдениет
  4. Әуен

Нұр-Сұлтанда Димашты жанкүйерлері қалай қарсы алды?

Нұр-Сұлтан қаласының әуежайында жанкүйерлері Димаш Құдайбергенді күтіп алды, - деп хабарлайды Tengrinews.kz тілшісі. 

Фанаттар жас әншінің келуіне бірнеше сағат қалғанда халықаралық әуежайға жиналды. Олардың арасында әр түрлі жастағы ерлер мен әйелдер болды. Кейбіреулері осы кездесу үшін басқа қаладан да келген. 

Әуежайда Димашты 100-ге жуық фанат күтті. Қазақстандық әншінің АҚШ-та сәтті өнер көрсетуіне қуанған олар, "Димаш!" деп ұрандады. 

Димаш Құдайберген әуежайдың шығаберісіне әрең өтті. Жанкүйерлердің әрқайсы онымен суретке түскісі келген. 

Таяуда Президент Димашқа "Қазақстанның еңбек сіңірген қайраткері" құрметті атағын берді. 

Димаштың әкесі Қанат Айтбаев жиналғандарға алғыс білдіріп, ұлының жаңа статусы жайлы айтты. 

"Ересектерге өздерінің қуанышы мен тілектері және әрдайым қолдау көрсетіп отырған Үкіметке зор алғысымызды білдіреміз. Біздің алғысымыз шексіз. Димаштың жақсы жаңалықтарын жібермей, жариялап жүретін журналистерге алғыс айтамыз. Марапат туралы бізге қазір ғана айтты, ұшып келгенде естідік. Бұл біз үшін үлкен қуаныш. Үйге келіп, туыстарымызбен бөлісеміз. Олар осы жаңалықтан бастары айналып отырған болар", - деді Қанат Айтбаев.

Журналистер әншінің қашан үйленетінін сұрады. 

"Ол әлі жас, бірақ үйленемін десе - үйленеді ғой. Ол күнге де жетерміз", - деді Қазақстанның еңбек сіңірген қайраткерінің әкесі. 

Қанат Айтбаев Нью-Йоркте өткен концертті өте ауыр, эмоционалдық және физикалық процесс деп атады. 

"Басқа құрлық, бізде күн, оларда түн, бірақ ол барды да концерт берді. Әрине, шаршады. Концерттен кейінгі шаршау байқалды. Бірақ эмоция шаршауды басып кетті, себебі бұл біздің халқымыздың әндері, Отанымыздың әндері, біздің домбыраның үні, мемлекетіміздің аты, біздің ту көтерілді. Біз үшін бұл үлкен мақтаныш", - деді ол.

Димаш Құдайбергеннің фанаттары Нью-Йорк әуежайын "басып алды"

10 желтоқсанда Нью-Йорктегі (АҚШ) Barclays Center аренасында Димаш Құдайбергеннің Arnau Tour Envoy концерті өтті. Димаш Arnau шоуының үздік сәттері енген, жаңартылған Arnau tour ENVOY бағдарламасын ұсынды.

Президент Сара Назарбаева мен Димаш Құдайбергенді марапаттады