"Ретро FM" плейлисті: тележүргізуші Әділ Лиян не тыңдайды?

Ол - продюсер, көркемдік жетекші, қайталанбас тележүргізуші. Қазақстан мен одан тыс жерлерде тартымды, әрдайым күліп жүретін әрі сәнқой Әділ Лиянды жақсы біледі. MuzzOne және Hit TV телеарналарының жұлдызы  "Ретро FM" мен Tengrinews үшін арнайы түрлі дәуірлердің хиттері бар плейлистті жинады. Өйткені Әділ жанды баурайтын музыканың құпиясын жақсы біледі.

Алматыда 107,5 FM немесе Нұр-Сұлтан мен елдің басқа қалаларында 104,5 FM толқындарында Ретро FM радиосын тыңдаңыздар.

Cher - Bang Bang (My Baby Shot Me Down)

Бүгінде тыңдарман аты аңызға айналған Шердің жанды баурайтын әнін үш нұсқада біледі. Біріншісі - классикалық нұсқа, ол 1966 жылы жазылған. Екіншісі рок стилінде жазылған, бұл 20 жылдан кейін пайда болған және артқы вокалдағы рок жұлдыздары мақтана алады. Нэнси Синатраның орындауындағы үшіншісі Квентин Тарантиноның "Биллді өлтіру" дилогиясының бірінші бөлімінің ашуылында танымал болды.

Валерий Леонтьев - "Исчезли солнечные дни"

Композитор Раймонд Паулстан "Шуақты күндер жоғалды" әнін жазу туралы ұсыныс алған Леонтьев ұзақ уақыт бойы бас тартқан. Өйткені жас әнші "Пусть у меня на волосах лежит, не тая, снег" деген жолдан ұялып, ақ шашты адамның айтқаны сенімсіз естіледі деп ойлаған. Алайда Паулс ойынан бас тартпады. Расул Ғамзатовтың жүрекжарды өлеңдеріне арналған, бір қарағанда қарапайым көрінетін ән әп сәтте хитке айналды.

Алла Пугачева - "А знаешь, все еще будет"

"А знаешь, все еще будет - южный ветер еще подует, и весну еще наколдует, и память перелистает. И встретиться нас заставит, и еще меня на рассвете губы твои разбудят", - деп шырқайды Алла Пугачева өзінің жарқын әрі өмірді бейнелейтін хиттерінің бірінде. Бір қызығы, бұл ән Примадоннаның репертуарына дәл сай келіп қана қоймай, оның қызы әнші Кристина Орбакайтенің музыкалық карерьасының бастауы болды.

Desireless - Voyage Voyage

Бұл әнге 35 жыл болғанына сену қиын. 80-жылдардың аяғында француз әншісі Desireless-тің әні бүкіл Еуропада ғана емес, Францияда, Бельгияда, Германияда, Испанияда және Израильде хит-парадтарда көш бастады, суперхитке айналды. Сонымен қатар, КСРО тыңдармандарын да баурап алды. Бұған тректің әсерлі әуені ғана емес, тақырыбы - жанартаулар, өзендер мен мұхиттар арқылы өтетін саяхаты себеп болған.

Анжелика Варум - "Зимняя вишня"

Әуезді, мұңды және романтикалық, әйгілі "Зимняя вишня" әні әнші Анжелика Варумның танымал болуына ықпал етті. Бірақ, өкінішке қарай, кейінгі жылдары әнші жанды дауыстағы концерттерінде бұл әнді шырқамайды. Оның күйеуі Леонид Агутиннің айтуынша, Варум бір сауда орталығындағы өрттен қайтыс болғандарға қайғырғаны сонша - бұл әнді қайта айтқысы келмейді.

Haddaway - What Is Love

Неміс-тринидад поп-орындаушысы Нестор Хаддавейдің евродэнс-синглінің хоры мектептің спортзалында кем дегенде бір дискотекада болған әрбір "тоқсаныншы жылдардағы балаға" таныс. Бұл мотив пен мәтін әлемге танымал болғаны соншалық, What Is Love-тің бірнеше каверін дүниеге әкелді. Сонымен қатар, әннің бірнеше пародиялық нұсқасын тудырды.

A’Studio - "Джулия"

Бұл ән - Батырхан Шүкеновтың дауысын бүкіл әлемге танытқан ән. Мектептегі алғашқы махаббат, шетелге кету және мүмкін емес жаңа кездесу туралы әсерлі оқиға көптеген елдегі тыңдарманға ұнады. A'Studio музыканттары бұл әнді төмен музыканттардан үлкен әртістерді жасай алған бақытты билет деп санайды. Ол 80-жылдардың аяғында, ешкім танымайтын, тарағалы тұрған топқа келген еді. 

Nautilus Pompilius - "На берегу безымянной реки"

Бірде "Нау" тобының жетекшісі Вячеслав Бутусов дайындықтардың бірінде ешкімге беймәлім шығарманың үлгісін әкеліп, гитарада ойнаған. Топтың гитарисі Егор Белкин бірден ән жазып, осылайша, бірнеше сағатта топтың негізгі әндерінің бірі дайын болған. Бір қызығы - автор шығармада айтылатын өзеннің атын атамаған. Бутусовтың айтуынша, Екатеринбург маңындағы Исет өзенін ешкім елестете алмайды, ол туралы әнде айтылады.

Roxette - Listen To Your Heart

Listen To your Heart атты шынайы махаббат туралы өміршең хит шығармас бұрын Roxette солисті Пер Гессле барлық әнді швед тілінде жазған. Топ ағылшын тіліндегі альбомды тек эксперимент ретінде шығаруды ұйғарған. Өйткені Германиядағы топ-20 хит-шеруінде бірінші болу қолынан келіп-келмейтінін білгісі келген. Нәтижесі автордың ойлағанынан да асып түскен.

Christina Aguilera - Genie In А Bottle

Genie In Bottle - болашақ поп-супер жұлдыз Кристина Агилераның алғашқы "үлкен" хиті. Ол "Мики Мауз клубы" балалар музыкалық шоуының жабылуынан кейін оған танымалдылық әкелді. Бөтелкедегі рух туралы ән тыңдармандардың бәріне ұнады. Олар заманауи әуенді де, Агилераның керемет вокалын да, MTV видеоларының кестесінде бірінші болған керемет клипін де ұнатқан.

"Ретро FM" плейлисті: Ғалымжан Молданазардың сүйікті әндері

"Ретро FM" плейлисті: Ерлан Көкеев қандай ән тыңдайды?

"Ретро FM" плейлисті: актер Евгений Жұманов не тыңдайды?

"Ретро FM" плейлисті: Әлішер Елікбаев қандай әндерді таңдайды?

"Ретро FM" плейлисті: Рашид Сүлейменовке қандай әндер ұнайды?

"Ретро FM" плейлисті: Ерден Телемісовтің сүйікті әндері

"Ретро FM" плейлисті: режиссер Асқар Ұзабаев не тыңдайды?

"Ретро FM" плейлисті: актер Шыңғыс Қапиннің сүйікті әндері

"Ретро FM" плейлисті: актер Максим Акбаров тыңдайтын әндер

Сілтемесіз жаңалық оқисыз ба? Онда Telegram желісінде парақшамызға тіркеліңіз!