1. Басты
  2. Біл
  3. Мәдениет
  4. Әуен

Төреғали Төреәлі бала күнінде Мейрамбек Бесбаевпен қалай танысқанын айтты

Сурет: instagram.com/toregalitoreali Сурет: instagram.com/toregalitoreali

Танымал әнші, айтыскер Төреғали Төреәлі бала күнінде Мейрамбек Бесбаевпен қалай танысқанын айтты, - деп хабарлайды Tengrinews.kz тілшісі.

Ол өзінің Instagram желісіндегі парақшасында қызықты әңгімесін жариялады. 

Төреғали Төреәлінің айтуынша, ол кездері отбасымен Байқоңырда тұрады.

"Қыдырманың баласы әуп деп жылайды" дегенді даңғайыр жырау Алмас Алматов ағамнан естіп көпке дейін күліп жүріп едім. Менің әкем өнердің айналасында жүрген соң біз де сол аураға бала жастан бой үйретіп өстік. Баланы қонағының батасымен, ыстық ықыласымен тәрбиелейтін ұлттық дәстүр біз этаж үйде де хал-қадірінше жалғасып жататын. Байқоңырда тұрамыз сол", - деп әңгімесін бастады ол.

Әншінің үйіне алғаш "Мұзарт" тобы кергенде ол алтыдан жетінші сыныпқа көшкен уақыт екен. 

"Бір күні аспан сөгіліп, жұлдыздар төгіліп кеткендей үйге "Мұзарт" тобы сау ете қалды. Менің алтыдан жетінші сыныпқа өтіп тұрған шағым.

Ол кісілердің атағы жер жарып тұрмаған кезі жоқ шығар, бірақ мені бала қиялыма сол атақты, құрмет қошеметті қарапайым ғана көтеріп жүрген адамдарды көру бәрібір ауыр еді.

Мейрамбек ағам концерттен шаршап шыққан болу керек, бас жуып алғысы келді білем, біздің үйде қайбір ұста, сантехник бар ваннаның су ағатын басындағы себезгісі жұлынып, шлангасы ғана қалған. Қысылып, қызарып тұрмыз", - дейді ол.

Сонда Мейрамбек Бесбаев "Су ағып тұрса болды, ештеңе етпейді, бәрімізге таныс жағдай ғой, сен құйып жібер қайта" деп болашақ айтыскер балаға бұрылыпты.

"Мен қолым дірілдеп іске кірістім. Жұрт осы үлкен кісілердің "қолына су құйдым" деп мақтанып жатады ғой, ал мен Мейрамбек ағаның басына су құю құрметіне ие болғам если чё", - деп мақтанды Төреғали Төреәлі. 

"Әзіл ғой, содан концерттен кейін үлкен банкет болды. Ығы-жығы адам.
Тілек айтушылардың санында есеп жоқ", - деп жалғастырды әнші.

Посмотреть эту публикацию в Instagram

? "Қыдырманың баласы әуп деп жылайды" дегенді даңғайыр жырау Алмас Алматов ағамнан естіп көпке дейін күліп жүріп едім. Менің әкем өнердің айналасында жүрген соң біз де сол аураға бала жастан бой үйретіп өстік. Баланы қонағының батасымен, ыстық ықыласымен тәрбиелейтін ұлттық дәстүр біз этаж үйде де хал-қадірінше жалғасып жататын. Байқоңырда тұрамыз сол. Бір күні аспан сөгіліп, жұлдыздар төгіліп кеткендей үйге "Мұзарт" тобы сау ете қалды. Менің алтыдан жетінші сыныпқа өтіп тұрған шағым. Ол кісілердің атағы жер жарып тұрмаған кезі жоқ шығар, бірақ мені бала қиялыма сол атақты, құрмет қошеметті қарапайым ғана көтеріп жүрген адамдарды көру бәрібір ауыр еді. Мейрамбек ағам концерттен шаршап шыққан болу керек, бас жуып алғысы келді білем, біздің үйде қайбір ұста, сантехник бар ваннаның су ағатын басындағы себезгісі жұлынып, шлангасы ғана қалған. Қысылып, қызарып тұрмыз. Мейрамбек аға" су ағып тұрса болды, ештеңе етпейді, бәрімізге таныс жағдай ғой, сен құйып жібер қайта деп" маған бұрылды. Мен қолым дірілдеп іске кірістім. Жұрт осы үлкен кісілердің "қолына су құйдым" деп мақтанып жатады ғой, ал мен Мейрамбек ағаның басына су құю құрметіне ие болғам если чё:) Әзіл ғой, содан концерттен кейін үлкен банкет болды. Ығы-жығы адам. Тілек айтушылардың санында есеп жоқ. Сол қалың топтың ішінен Мейрамбек аға мені көзімен тауып алып, асабаға" мына бала тілек айтсын" деді. Мен де соны күтіп тұрғандай тақылдай, тақпақтай жөнелдім. Көзіңнің астымен " мұным қалай" дегендей ұрланып қарауды ұмытпайсың ғой:) Сонда Мейрамбек аға" мына бала дворецте жүретен оның ішінде випте уже Гуля апайдың ұрысын естіп жүруге жарайтын бала ғой, жарайсың інім" деп өзім зорға тұрғанда мақтай жөнелді. Қолтығымның астынан қанат жарып шыққандай қомданып, ұшып кетуге сәл-ақ қалдым. Мың жылқыдан Тайбурылды танығандай, аузы дуалы Мейрамбек ағамды осы күні дворецке барған сайын, Гуля апайдың ұрысын естіген сайын күліп, риза болып еске алам. Біреу ұрсып жатқанда күліп тұрған ол кісіге де оңай емес қой ,бірақ менің ол кезде Байқоңырдың ресторанында тұрғанымды қайдан білсін ол кісі:) Сол жолы өнердегі тұсауым кесілді. Менің өмірімде талай ағалардың, жанашырдардың орны бар, бірақ "Мұзарт" ерекше ыстық.

Публикация от ???????? ??????? (@toregalitoreali)

Сол қалың топтың ішінен Мейрамбек Бесбаев оны көзімен тауып алып, асабаға "мына бала тілек айтсын" депті.

"Мен де соны күтіп тұрғандай тақылдай, тақпақтай жөнелдім. Көзіңнің астымен "мұным қалай" дегендей ұрланып қарауды ұмытпайсың ғой. Сонда Мейрамбек аға "мына бала дворецте жүретен оның ішінде випте уже Гуля апайдың ұрысын естіп жүруге жарайтын бала ғой, жарайсың інім" деп өзім зорға тұрғанда мақтай жөнелді. Қолтығымның астынан қанат жарып шыққандай қомданып, ұшып кетуге сәл-ақ қалдым", - дейді ол.

Төреғали Төреәлінің айтуынша, сол жолы өнердегі тұсауы кесілді.

"Мың жылқыдан Тайбурылды танығандай, аузы дуалы Мейрамбек ағамды осы күні дворецке барған сайын, Гуля апайдың ұрысын естіген сайын күліп, риза болып еске алам. Біреу ұрсып жатқанда күліп тұрған ол кісіге де оңай емес қой, бірақ менің ол кезде Байқоңырдың ресторанында тұрғанымды қайдан білсін ол кісі. Сол жолы өнердегі тұсауым кесілді. Менің өмірімде талай ағалардың, жанашырдардың орны бар, бірақ "Мұзарт" ерекше ыстық", - деп әңгімесін аяқтады әнші (Грамматика, пунктуация сақталған - автор).

Қазақстан жаңалықтары. Соңғы жаңалықтар. Telegram желісінде бізге жазыл! 

Доллар арзандады
Доллар арзандады