Ұлттық валюта бағамы KASE қор биржасының таңғы саудасында нығайды, - деп хабарлайды Tengrinews.kz тілшісі. Ұлттық валютаның долларға шаққандағы бағамы 331,56 теңгеге тең болды. Еске салайық, 17 қарашада доллар бағамы 332,29 теңге, ал күндізге - 332,17 теңге болған.
Таңғы сауданың бірінші келісімі 331,36 теңгемен өтті және осы минималдық құны болды, ал максималдық құны - 331,85 теңге. Сауданың жалпы көлемі 25,050 миллион долларға жетті.
Kurs.kz мәліметінше, ұлттық валютаның долларға шаққандағы бағамы 330,5-333,1 аралығында.
Астана уақытымен 11.01-де Brent маркалы мұнай бағасы барреліне 62,59 доллар болды.
