Үкімет басшысы: 8 айда Қазақстан экономикасының өсімі - 4,3 пайыз

10 Қыркүйек, 10:39
0
Үкімет басшысы: 8 айда Қазақстан экономикасының өсімі - 4,3 пайыз - © economy.gov.kz
© economy.gov.kz

ҚР премьер-министрі Асқар Маминнің төрағалығымен өткен ҚР Үкіметінің селекторлық отырысында 2019 жылғы қаңтар-тамыздағы еліміздің әлеуметтік-экономикалық дамуының және республикалық бюджеттің орындалуының қорытындылары қаралды, - деп хабарлайды Тengrinews.kz тілшісі Үкімет баспасөз қызметіне сілтеме жасап. 

ҚР ұлттық экономика министрі Руслан Дәленов, Ұлттық банк төрағасы Ерболат Досаев және ҚР премьер-министрінің бірінші орынбасары - қаржы министрі Әлихан Смайылов баяндама жасады.  

Халықтың жан басына шаққандағы орташа атаулы ақшалай табысы 2019 жылғы қаңтар-мамырда 486 мың теңгені құрады және 2018 жылдың сәйкес кезеңімен салыстырғанда атаулы мәнінде 10,8 пайызға, нақты мәнінде 1,7 пайызға өсті.

2019 жылдың қаңтар-тамыз айларында ЖІӨ өсімі 2018 жылдың сәйкес кезеңімен салыстырғанда 4,3 пайыз құрады.

Құрылыста - 11,8 пайыз, саудада - 7,6 пайыз, көлік саласында - 5,5 пайыз, ауыл шаруашылығында - 3,6 пайыз, байланыс қызметінде - 3,4 пайыз, өңдеу өнеркәсібінде, оның ішінде машина жасауда - 18 пайыз, жеңіл өнеркәсіпте - 17,4 пайыз, түсті металдарды өндіруде - 17,9 пайыз, мұнай өңдеу - 6,2 пайыз салаларында оң өсім динамикасы байқалады.

Үшінші ай қатарынан инфляция 0,2 пайыз төмен деңгейінде сақталды. Жылдық инфляция мақсаттық дәліз шегінде тұр және 5,5 пайыз құрады.

ҚР премьер-министрі Асқар Мамин негізгі көрсеткіштер бойынша экономикалық өсім Атырау, Қарағанды, Қызылорда, Түркістан, Шығыс Қазақстан және Солтүстік Қазақстан облыстарында байқалатынын атап өтті.

Үкімет басшысы Маңғыстау, Қызылорда, Батыс Қазақстан облыстарында, Нұр-Сұлтан және Шымкент қалаларында құрылыс, инвестициялар, өнеркәсіп, ауыл шаруашылығы және тұрғын үйлерді пайдалануға беру көрсеткіштерінің төмендеуіне қатысты жағдайды қысқа уақыт ішінде түзеуді тапсырды.

"Өткен аптада Мемлекет басшысы Қазақстан халқына Жолдауын жариялады, онда Елбасының саясатымен сабақтастық көрініс табады және Үкіметтің экономиканы одан әрі дамытуға бағытталған бірқатар негізгі міндеттері белгіленген. Үкіметтің басты міндеті - ЖІӨ-нің жыл сайынғы тұрақты өсуін қамтамасыз ету және оны 2025 жылға қарай 5 пайыз және одан да жоғары деңгейге жеткізу", - деп Асқар Мамин, салалық министрліктерге белгіленген мақсатты индикаторларға қол жеткізу жұмыстарын күшейтуді тапсырды.

Осы жылдың сегіз айының қорытындысы бойынша республикалық бюджетке кірістер 6 958,3 млрд теңгені құрады (жоспардың 101,1 пайыз), өсу қарқыны 119,2 пайыз құрады. Есепті кезеңдегі республикалық бюджеттің игерілуі 98,9 пайыз құрады.

Бірқатар бағдарлама әкімшілерінен байқалып отырған бюджеттің толық орындалмауына байланысты, ҚР премьер-министрі Асқар Мамин бюджет қаражаттарын уақытылы игеруді қамтамасыз етуді тапсырды.

Получить короткую ссылку


  • Подписаться на канал новостей TengriNews:

  • Google News
  • Yandex News
  • Yandex Zen

Нравится Поделиться
Пікір қалдырыңыз
Оқылып жатыр
Талқыланып жатыр
Бүгін
Апта
Ай