Ұлттық валюта бағамы KASE қор биржасының таңғы саудасында нығайды, - деп хабарлайды Tengrinews.kz тілшісі. Ұлттық валютаның долларға шаққандағы бағамы 331,55 теңгеге тең болды. Еске салайық, 4 тамызда доллар бағамы 332,62 теңге болған.
Таңғы сауданың бірінші келісімі 331 теңгемен өтті және осы ең минималдық құны болды, ал максималдық құны - 331,8 теңге. Сауданың жалпы көлемі 58,95 миллион долларға жетті.
Kurs.kz мәліметінше, ұлттық валютаның долларға шаққандағы бағамы 330-332,5 аралығында.
Мұнай бағасы 7 тамызда Астана уақытымен 10.46-да Brent маркалы мұнай бағасы барреліне 52,22 доллар болды.
