"Ислам мемлекеті" содырлары Сирияның 160 сарбазын өлтірді

29 Тамыз 2014, 11:07
0
"Ислам мемлекеті" содырлары Сирияның 160 сарбазын өлтірді - Содырлар. ©REUTERS
Содырлар. ©REUTERS

"Ислам мемлекеті" радикал сүнниттер тобының содырлары Сирия әскерінің 160-тан астам жауынгерін өлтірді, - деп хабарлайды "Интерфакс" Сириядағы адам құқықтары жөніндегі бақылаушы кеңеске сілтеме жасап.

"Ислам мемлекеті" Сирияның 160-тан астам әскериін Ракка аймағының үш жерінде таяуда және бүгін өлтірген", - деп мәлімдеді кеңес басшысы Абдель Рахман. 

Оның мәліметінше, исламистер Сирия әскерінің елдің солтүстігіндегі Табак қаласында орналасқан базасын басып алғаннан кейін ол жерден қашпақ болған сарбаздарды қырып салған.  

Жуырда БҰҰ-ның тергеулер жөніндегі комиссиясы исламист содырлардың Сирияның бейбіт тұрғындарын жұрт алдында жиі өлтіретінін, қамшымен сабайтынын және дене мүшелерін кесетінін мәлімдеген еді. 

Айта кетейік, "Ислам мемлекеті" тобы Сирияда үкіметтік жасақтарға қарсы соғысса, Иракта жергілікті әскерилер мен күрд халық жасақтары арасындағы соғысқа араласады.

 


  • Подписаться на канал новостей TengriNews:

  • Google News
  • Yandex News
  • Yandex Zen

Нравится Поделиться
Пікір қалдырыңыз
Оқылып жатыр
Талқыланып жатыр
Бүгін
Апта
Ай