2015 жылы Қазақстанда "Терминатор" атты танкілерге көмек беретін әскери машинаны шығару жоспарланып отыр, - деп хабарлайды Tengrinews.kz тілшісі ресейлік ақпарат агенттігіне сілтеме жасап.
2015 жылы Қазақстанда "Терминатор" атты танкілерге көмек беретін әскери машинаны шығару жоспарланып отыр, - деп хабарлайды Tengrinews.kz тілшісі ресейлік ақпарат агенттігіне сілтеме жасап.
Ресейдің әскери-техникалық ынтымақтастық жөніндегі федералды қызметі директорының орынбасары Константин Бирюлиннің айтуынша, аталған жобаны "Уралвагонзавод" ғылыми-өндірістік корпорациясы және қазақстандық бір компания іске асырмақшы. "Қазір бізде келісім де бар. Оған сәйкес, біз ол машиналарды құрастыру жұмысын Қазақстанда бастауымыз қажет. Меніңше, келесі жылы нақты өнімді көретін боламыз", - деді ол бүгін журналистерге берген сұхбатында. "Терминаторды" құрастыруға қажетті барлық бөлшектерді "Уралвагонзаводы" өзі жеткізіп отырады.
Айта кетейік, бұған дейін Қазақстан "Терминатор" әскери машинасының 9 данасын сатып алған болатын. Оның барлығы Астанада өткен "KADEX-2012" көрмесі аясында рәсімделген келісімшарттың негізінде жүзеге асқан. Әскери машинада 2А42 санаттағы 30 миллиметрлік екі пушка, танкілерге қарсы "Атака-Т" ракеталары, АГ-17Д маркалы екі гранататқыш және 7,62 миллиметрлік пулемет бар.
