Биыл "Оливье" жаңажылдық салаты ресейліктер үшін 27 рубльге қымбатқа түседі, - деп хабарлайды Тengrinews.kz "Интерфакс"-ке сілтеме жасап.
"Интеррейтинг" агенттігінің мәліметінше, қазір Ресейде бұл салаттың орташа бағасы - 211 рубль. Жыл сайын жүргізілетін "Оливье индексі" зерттеуінің нәтижесіне қарағанда, Жаңа жылға арналған салат, әсіресе, Хабаровск тұрғындарына қымбатқа түседі, бұл жақта өнімнің бағасы - 284 рубль. Салаттың ең төменгі бағасы Төменгі Новгород қаласында белгіленіп отыр - 184 рубль.
Зерттеу Мәскеу, Санкт-Петербург, Екатеринбург, Хабаровск, Дондағы Ростов, Төменгі Новогород, Ставрополь және Красноярск қалаларында жүргізілді. Баға салаттың халықтық рецепті бойынша белгіленді: 4 дана піскен картоп (400 грамм), тауықтың піскен еті (400 грамм), 5 дана жұмыртқа, 3 тал қияр (200 грамм), 400 грамм көк бұршақ және 230 грамм майонез.
Салат тауық еті бағасының өсуіне байланысты қымбаттап отыр. Ресейдің көп қаласында тауық еті құны 20-30 пайызға артқан.
