Алматы қаласындағы Шевченко көшесінде, Наурызбай Батыр мен Сейфуллин көшелерінің аралығында кафе-караоке жанып жатыр, - деп хабарлайды Tengrinews.kz тілшісі.
Алдын ала мәлімет бойынша, кафе-караокенің төбесі жанып жатыр. Өрт сөндірушілер өрттің автожуу және мейрамхана ғимараттарына көшпеуі үшін, оның алдын алып жатыр.
Өрт сөндіру бөлімі оқиға туралы хабарламаны Астана уақытымен 15.40-та алған. Оқиға орнына жеті өрт сөндіру машинасы, жедел жәрдем және төтенше жағдай бригадасы келді. Полиция Шевченко көшесін қоршауға алды. Алдын ала мәлімет бойынша, 300-400 шаршы метр жерді өрт шалды.
