Астанадағы тұрғын үйлердің бірінен өрт шықты, - деп хабарлайды Tengrinews.kz тілшісі елорданың ТЖД баспасөз қызметіне сілтеме жасап.
"1 шілдеде сағат 03.01-де Кенесары көшесіндегі бұзуға дайындалған екі қабатты үйден өрт шықты. Өртенген аумақ 200 шаршы метр болды. Бөлме арасындағы қабырғалар мен үйдің төбесі өртенді. Өрт сағат 03.49-да ауыздықталды, сағат 04.02-де толық өшірілді. Қаза тапқандар мен зардап шеккендер жоқ. Өрттің шығу себебі анықталып жатыр", - деді ТЖД өкілдері.
