Елімізде 23-25 сәуір аралығында жаңбырлы ауа райы күтіледі, - деп хабарлайды Tengrinews.kz тілшісі "Қазгидромет" кәсіпорнына сілтеме жасап.
"Ресейдің орталық аумағында қалыптасқан кезекті циклон Батыс Сібірге қарай ығысады. Осымен байланысты атмосфералық фронттар жолай найзағайлы жаңбыр және жылдамдығы секундына 13-20 метрге жететін екпінді жел әкеле отырып, Қазақстан арқылы өтеді. Өйткені тропосферада ауа массасының батыстан шығысқа кеңінен ауысуы бұлтты, жауын-шашынды ауа райының, ауа температурасының төмендеуіне әкеледі. Алайда температура климаттық нормадан 3-8 градусқа жоғары болады", - делінген хабарламада.