Қырғызстан шекарасында қазақстандық азаматтың көлігінен ірі көлемде қару-жарақ тәркіленді, - деп хабарлайды Tengrinews.kz тілшісі Қырғызстан Мемлекеттік шекара қызметі БАҚ-пен және қоғаммен байланыс бөліміне сілтеме жасап.
19 мамырда "Ақжол-автожол" бақылау-өткізу бекетінде қазақстандық азаматтың автомобилінен калибрі 9 миллиметр болатын 12 дана травматикалық қару, бір әскери сүңгі-пышақ, суырылмалы пышақ, кастет пен он оғы бар дыбыстық белгі беретін құрал табылды", - делінген хабарламада.
Ер адамның Қырғызстаннан Қазақстанға өтпекші болғаны анықталды. Ұсталған адам Қырғызстанның ІІМ өңірлік бөлімшеcінің қызметкерлеріне тапсырылды.