Синоптиктер алдағы күндері ауа райы қандай болатынын айтты, - деп хабарлайды Tengrinews.kz тілшісі "Қазгидромет" РМК өкілдеріне сілтеме жасап.
Апта басында ауа райына суық атмосфералық фронттар әсер етеді. Шығыста және оңтүстік-шығыста кей жерлерде бұршақ араласқан найзағайлы толассыз жаңбыр сақталады, Іле Алатауының таулы аймақтарында және етегінде жаңбыр жауады. Республиканың қалған территоиясында жазғы жылы ауа райы күтіледі, кей аудандарда қысқа мерзімді найзағайлы жаңбыр жауады. Батыс облыстарда ыстық бәсеңдеп, Орта Орал аймағынан суық ауа келеді.