Желіде Францияда болған терактінің фотолары мен видеолары пайда болды, - деп хабарлайды Tengrinews.kz тілшісі. 14 шілдеде кешкі уақытта жүк көлігі Бастилияны басып алу Күніне орай отшашуды көруге жағалауға жиналған адамдарды қағып кеткен еді. Куәгерлердің айтуынша, жүк көлігі тоқтамастан, арлы-берлі жүріп, адамдарды екі шақырым бойында қағып жүрген.
© Eliannuminas/Twitter
Соңғы мәліметтер бойынша, Ниццада қаза тапқандардың саны 80-ге жеткен. 100-ден аса адам жарақат алған. Айта кетейік, қаза болғандардың арасында ресейліктердің саны көп.
Сонымен қатар, Қазақстанның премьер-министрі Кәрім Мәсімов осы оқиғаға байланысты көңіл айтты.
© marylovefreedom/Twitter
Полициядағылар Ниццада теракт жасаған жүк көлігі жүргізушісінің кім екендігін анықтады. Ол Тунис тумасы, 31 жастағы жергілікті тұрғын болып шықты.