Алматыда автобус жүргізушілерінің арасында төбелес болды, - деп хабарлайды СТВ телеарнасындағы "Территория происшествий" бағдарламасының тілшісі.
Автобус жүргізушілерінің арасындағы төбелес әл-Фараби даңғылы мен Фурманов көшесінің қиылысында болған. Тілшінің айтуынша, аялдамада автобус жүргізушілерінің бірі екінші автобус жүргізушісінің жолын кесіп кеткен. Кейіннен олар бағдаршамда тұрғанда №127 бағыттағы автобус жүргізушісі №63 бағыттағы автобустың есігіне жақындап, жүргізушімен ұрысып, бірнеше рет ұрмақ болған.
Осыдан кейін автобус жүргізушілерінің арасында төбелес басталған. Содан №63 бағыттағы автобустың жүргізушісіне жолаушылар көмекке келген. Алайда төбелес ұзаққа созылмай, бағдаршамның жасыл түсі жанғанда автобустар ары қарай кете берген.