Астана қаласының Есіл аудандық № 2 соты Сейітқазы Матаевқа қатысты қылмыстық істі өндіріске алды, - деп хабарлайды Tengrinews.kz Астана қалалық сотының сайтына сілтеме жасап.
Соттың мәліметінше, Қазақстан журналистер Одағының басшысы, Ұлттық баспасөз клубының президенті бірнеше баптар бойынша айыпталуда: ҚР ҚК-нің 190-бабы, 4-бөлімі, 2-тармағы және 245-бабы, 3-бөлімі бойынша, сондай-ақ ҚР ҚК-нің (16.07.1997 жылғы редакция) 177-бабының 4-бөлімінің "б" тармағы. Астананың аудандық сотына Сейітқазы Матаевтың ұлы - Әсеттің де ісі жіберілген, оған ҚР ҚК-нің 190-бабының 4-бөлімінің 2-тармағы бойынша айып тағылған.
Іс бойынша алдын ала сот тыңдауы 2016 жылы 3 тамызына сағат 10.00-ге белгіленген. Еске салайық, Сейітқазы Матаев үй қамауына алынған. Оны қоғамдық ақпараттық тапсырысты жүзеге асыру барысында қаражат жымқырды деп айыптауда.