Жаңаөзен қаласынан 10 шақырым жерде жол апатынан төрт адам қаза тауып, екі адам жарақат алған. Қайғылы оқиға 11 тамызда кешкі уақытта болған, - деп хабарлайды "Лада" өңірдегі ТЖД өрт сөндіру және апатты-құтқару қызметіне сілтеме жасап.
Ведомствоның баспасөз қызметінің мәліметінше, Жаңаөзен-Қуанды тас жолында жол талғамайтын Mitsubishi Pajero көлігімен "Лада ВАЗ-2115" жеңіл автокөлігі соғысқан.
"Шамамен 21.00-де өрт сөндіру қызметінің пультіне жол-көлік оқиғасы болғаны туралы хабарланған. Оқиға орнына бір арнайы техника барды. Жол апаты болған жерде "Лада ВАЗ-2115" көлігінің ішінде төрт адамның өлі денесі табылған. Оларды арнайы құрылғылармен эвакуацялады", - делінген хабарламада. Жарақат алған тағы екеуінің жағдайы туралы әзірше мәлімет жоқ.
