Астанада дүниеге келген 25 мыңыншы сәбиге сыйлық жасалды, - деп хабарлайды Tengrinews.kz тілшісі қалалық Денсаулық сақтау басқармасының баспасөз қызметіне сілтеме жасап.
Ведомствоның мәліметінше, сәбидің салмағы - 2688 грамм, ал бойы - 48 сантиметр. Ата-аналары әлі сәбиге есімін бермепті. Жаңа туған сәбидің анасы Әсем Жанайдарова 39 жаста, ол колледжде информатика пәнінен сабақ береді. Ал бұл сәби отбасындағы төртінші бала екен. Үлкен қызының жасы 19-да, екінші қызының жасы 13-те болса, ұлының жасы 6-да екен.
Астанада 2016 жылы дүниеге келген 25 мыңыншы тұрғынға қалалық Денсаулық сақтау басқармасының өкілдері "Зима-лето" арбасы мен автокресло сыйлады.
Еске сала кетейік, кеше, 7 қарашада Астанада Тәуелсіздіктің 25 жылдығы қарсаңында 25 мыңыншы сәби дүниеге келген еді.