Куәгерлер мемлекеттік тумен жүрген полиция кортежін видеоға түсіріп алды, - деп хабарлайды Tengrinews.kz тілшісі.
Бұл видео әлеуметтік желілерде таралған болатын. Видеоның кадрларынан шамамен 15 көліктің арнайы дабылдармен және екі жағында мемлекеттік ту ілінген күйі жолға шығып бара жатқаны көрінеді.
Алматы облыстық ІІД баспасөз қызметіндегілердің мәліметінше, бұл автосайыс Талғар ауданында өткізілген және Қазақстан Тәуелсіздігінің 25 жылдығына арналған. Акция 15 желтоқсанда өткізілген екен. Іс-шараны Алматы облыстық ІІД жергілікті полицейлер ұйымдастырған.