Павлодар облысы Шарбақты ауданынының 26 жастағы тұрғыны салпыншақ пен әмиян салынған сөмкені ұрлап, қарға жасырып қойған,- деп хабарлайды Tengrinews.kz тілшісі соттың баспасөз қызметіне сілтеме жасап.
"2016 жылдың 17 қарашасында айыпталушы ауруханада болған. Ол ішінде салыпншақ, қолғап, әмиян мен 2 000 теңге ақшасы бар сөмкені көреді. Сөмкені алып кетіп, оны қар астына жасырып қойған. Күдікке ілінбес үшін ауруханаға қайта кірген", - делінген сот хабарламасында.
Зардап шеккен тараппен медиациялық тәртіп бойынша мәмілеге келуіне байланысты сот айыпталушыны қылмыстық жауапкершіліктен босатты.