Орта салмақта WBA (Super), IBO, WBC және IBF тұжырымдары бойынша әлем чемпионы қазақстандық боксшы Геннадий Головкин (36-0, 33 КО) америкалық боксшы Дэниэл Джейкобспен болатын жекпе-жектен не күтетінін айтты, - деп хабарлайды Vesti.kz.
Оның айтуынша, ол жекпе-жекке жақсы дайындалған. Соған қарамастан ол қарсыласына деген бір өшпенділік немесе кереғар ойда емес екенін айтады. "Джейкобс - жақсы боксшы. Мен мұны түсінемін. Бұл мен үшін маңызды жекпе-жек. Бұл бокс, ойын емес, нағыз жекпе-жек. Мен өз қарсыласымды құрметтеймін. Мен Джейкобсты өлтіріп немесе көзін құрту ойымда да жоқ. Бұл бокс, тек бокс. Бұл мен үшін де, ол үшін де үлкен жекпе-жек", - деді Головкин командасы жариялаған промороликте.
Еске салайық, Головкин - Джейкобс жекпе-жегі 18 наурызда Нью-Йоркте өтеді. HBO арнасы бұл жекпе-жекті ақылы трансляциялар жүйесі (PPV) арқылы көрсетеді. Қазақстанда жекпе-жекті "Қазақстан" және KazSport арналары көрсетеді. Трансляцияның басталуы 19 наурызда 08:00-де.