Спортшы Қуат "Найман" Хамитов Головкин-Джейкобс жекпе-жегінің қорытындысына байланысты пікір білдірді, - деп хабарлайды Tengrinews.kz тілшісі.
Хамитовтың айтуынша, бұл жекпе-жекте Головкиннің Андре Уордтан не себепті қашып жүргені белгілі болған. "Найман" отандасын жеңісімен қазақ тілінде құттықтады. "Жеңіс құтты болсын! Бірақ 5-7 раундтар Джейкобстың еншісінде. Нокдаун болды. Кем дегенде тең! Головкин - Уорд жекпе-жегін осы себептен көре алмаймыз. Гена бокстан кетуі керек еді. Жас келді", - деп жазды Хамитов Instagram желісінде.
Айта кетейік, қазақстандық боксшы бүгін, 19 наурызда Нью-Йоркте америкалық Дэниэл Джейкобсты ұпай айырмасымен жеңген болатын. Кездесудің толық видеосын мына жерден көре аласыздар.