Еуропалық атақты футбол клубтарының бірі EXPO-2017 аясында жолдастық кездесуін Қазақстанда өткізуі мүмкін. Бұл туралы Дене шынықтыру және спорт басқармасының жетекшісі Берік Маржықпаев мәлімдеді, - деп хабарлайды Tengrinews.kz тілшісі.
"EXPO-ға қарсы еуропалық деңгейдегі команда келеді деп отырмыз. "Челси", "Милан" және "Арсеналмен" келіссөздер жүріп жатыр. Олардың жалғыз ғана талабы бар, алаң барлық талапқа сай болуы керек", - дейді Берік Маржықпаев Астанадағы брифинг кезінде.
Маржықпаев қазіргі кезде келіссөздермен бірге "Астана-Арена" стадионының дайындалып жатқанын айтады. "Газонды ауыстырып жатырмыз, 1 мамырда жөндеу жұмысын аяқтаймыз", - дейді ол.