Қазақстан Президенті Нұрсұлтан Назарбаев алда Ресейде өтетін президент сайлауына қатысты пікір білдірді, - деп хабарлайды Tengrinews.kz тілшісі.
Қазақстан Президенті Нұрсұлтан Назарбаев алда Ресейде өтетін президент сайлауына қатысты пікір білдірді, - деп хабарлайды Tengrinews.kz тілшісі.
Орталық Азия мемлекеттері басшыларының кездесуінде Қазақстан Президенті басқа да қатысушыларға көрші елдермен қарым-қатынастың маңызды екенін айтып өтті.
"Біздің үлкен көршілеріміз бар. Олар - Ресей мен Қытай Халық Республикасы. Олармен қарым-қатынасымыз зор, көлік бағыттары бойынша да", - деді Нұрсұлтан Назарбаев.
Сондай-ақ, Мемлекет басшысы Ресей Федерациясындағы сайлаудың маңызына тоқталды.
"Біз осы көрші елдермен және үлкен нарықтағылармен белсенді түрде қарым-қатынас жүргізгіміз келеді және жүргізіп жатырмыз. Әрине, Ресейдегі сайлаудың жақсы өткенін қалаймыз, барлығымыз да Владимир Владимирович Путиннің жеңіске жетуін қалаймыз. Мұның барлығы ынтымақтастықты кеңейтіп, дұрыс диалог құруға жақсы әсер етеді", - деді Назарбаев.
Айта кетейік, Ресейде президент сайлауы 2018 жылдың 18 наурызында өтеді. Сегіз кандидат ұсынылды: Сергей Бабурин, Павел Грудинин, Владимир Жириновский, Владимир Путин, Ксения Собчак, Максим Сурайкин, Борис Титов және Григорий Явлинский.
