Синоптиктер 1-3 қараша күндеріне арналған ауа райы болжамын жария етті, - деп хабарлайды Tengrinews.kz тілшісі "Қазгидромет" РМК өкілдеріне сілтеме жасап.
Синоптиктердің мәліметінше, алдағы күндері бұлтты және жауын-шашынды ауа райы болады.
"Күздің соңғы айы Қазақстанның барлық аумағында жауын-шашынмен және күннің суытуымен басталады. Алдағы екі тәулікте солтүстік және орталық облыстарда жауын-шашын және температураның төмендеуін тудырған суық атмосфералық фронт оңтүстік, оңтүстік-шығыс және шығыс облыстардағы ауа райына ықпал етеді. Мұнда жауын-шашын, әсіресе қар, таулы және тау бөктері аудандарында қатты қар, тұман, көктай-ғақ және температураның төмендеуі күтіледі. Ал республиканың солтүстік бөлігіне алдымен жылы, содан кейін Баренц теңізі аудандарынан арктикалық суық фронт жылжи бастайды", - деді "Қазгидромет" өкілдері.
Тек республиканың батыс облыстары антициклон аясында болады, сондықтан мұнда жауын-шашынсыз және ауа температурасы шамалы көтеріледі.