Алматыдағы метро пойыздарының аралық интервалы бес минутқа дейін қысқарады. Бұл туралы "Метрополитен" КМК өкілдері мәлімдеді, - деп хабарлайды Tengrinews.kz тілшісі.
Олардың айтуынша, 2021 жылға қарай Алматыдағы метроның "Достық" және "Сарыарқа" станциялары ашылып, жаңа пойыздар сатып алынғаннан кейін пойыздар қозғалысының аралық интервалы 5 минутқа дейін қысқарады. Қазір қарбалас кезінде пойыздар әр 8 минут сайын, ал басқа кезде 13 минут сайын жүреді.
Айта кетейік, "Достық" және "Сарыарқа" станцияларының құрылысына 67 миллиард теңгеден аса қаржы жұмсалады. Сонымен қатар, қалалық мәслихаттағылар бұл станциялардың құрылысын жалғастыруға 1 миллиард теңгенің бөлінетінін мәлімдеді, қаржы жергілікті бюджеттен аударылады.