Түркістан облысында жол апатынан үш бала мен ер адам қаза тапты. Тағы екі ересек адам мен кәмелетке толмаған екі бала жарақаттар алып, ауруханаға жеткізілді, - деп хабарлайды Otyrar.kz.
Жол-көлік оқиғасы кеше, 14 наурызда Шымкент-Самара тасжолының 115-шақырымында болған. Hyundai Starex пен Daewoo Nexia соқтығысып қалған.
Куәгердің айтуынша, балалардың денесі жол апаты болған жерден 10-15 метр қашықтықта болған.
"Түркістан облыстық ауруханасына 4 және 2 жасар екі бала жеткізілді. Бір отбасының балалары, оларға ота жасалды, бірақ дәрігер балалардың жағдайы ауыр екенін айтады. Екі ересек адам қалалық орталық ауруханаға жеткізілді. Олардың жағдайы - орташа ауыр", - деп хабарлады облыстық денсаулық сақтау басқармасының баспасөз қызметі.
ҚР ІІМ өкілдерінің мәліметінше, үш бала ауруханаға барар жолда қайтыс болды. Ал Nexia жүргізушісі ауруханада қайтыс болды. Оқиға орнына жедел-тергеу тобы мен Түркістан облыстық Полиция департаментінің басшысы барды.