Үш облыста ауа райының қолайсыздығына байланысты ескерту жарияланды, - деп хабарлайды Tengrinews.kz тілшісі "Қазгидромет" РМК өкілдеріне сілтеме жасап.
21 мамырда Қызылорда облысында солтүстік-батыстан соққан жел солтүстік-шығысқа ауысады, кей жерлерде күші 15-20, күндіз екпіні секундына 23 метр, түнде және таңертең кей жерлерде найзағай сақталады. Қызылорда қаласында 21 мамырда түнде найзағай, күндіз солтүстік-батыстан соққан жел солтүстік-шығысқа ауысады, екпіні секундына 15 метр сақталады.
21 мамырда Ақтөбе облысында түнде кей жерлерінде 1 градус үсік күтіледі. Ақтөбе қаласында 21 мамырда түнде топырақта 1 градус үсік күтіледі.
21 мамырда түнде Батыс Қазақстан облысының кей жерлерінде топырақ бетінде 1 градусқа дейін қатқақ күтіледі.