Қазақстандық жас әнші Ержан Максим Нұр-Сұлтанда жеке концерт береді. Бұл туралы "Голос. Дети" байқауының жеңімпазы Instagram желісіндегі парақшасында жариялады, - деп хабарлайды Тengrinews.kz тілшісі.
"Кеш жарық инста достар! Менің алғашқы жеке ән кешіме қош келесіздер! Барлығыңызды асыға күтемін. Тек сіздер үшін! Жіберіп алмаңыздар, керемет болады. Үлкен раxмет", - деп жазды жас әнші.
Концерт 28 маусымда "Қазақстан" орталық концерт залында өтеді. Кеш қонақтары - Сәкен Майғазиев, Ұлықпан Жолдасов, Ренат Ғайсин, Мөлдір Әуелбекова, Айқын Төлепберген және тағы басқа әншілер болады.