Алматыда бала ұстаған әйелге шабуыл жасаған жігітке іздеу жарияланды, - деп хабарлайды Tengrinews.kz тілшісі қалалық полиция департаменті баспасөз қызметіне сілтеме жасап.
"ҚР Қылмыстық кодексінің 191-бабы 2-бөлігінде көзделген қылмысты жасағаны үшін, атап айтқанда, 11 қыркүйекте сәбиімен жүрген 28 жастағы әйелді тонағаны үшін Жетісу аудандық полиция басқармасы 28-30 жастағы, бойы 170-175 сантиметр, азият нәсілді ер адамға іздеу жариялады", - делінген полиция хабарламасында.
Шабуыл жасаған уақытта, оның үстінде көк түсті спорттық костюм, спорттық шалбар, аяғында көк түсті кроссовка, ал басында - ақ түсті бас киім болған.
Қандай да бір мәліметті білген жағдайда мына телефондар бойынша хабарласуды сұраймыз: 254-49-01; 254-49-02; 254-49-06; 8-702-870-06-95; 8-708-952-55-94 немесе "102", - деп қорытындылады полицейлер.