Иранда "Бушер" атом электрстанциясына жақын жерде магнитудасы 4,9 және 4,5 екі жер сілкінісі тіркелді, - деп хабарлайды РИА Новости.
АҚШ-тың геологиялық қызметінің (USGS) мәліметінше, магнитудасы 4,9 жер сілкінісі UTC уақыты бойынша 2:20-да (Нұр-Сұлтан уақыты бойынша 8:20) болды. Жер асты дүмпулерінің эпицентрі Боразджан қаласынан оңтүстік-шығысқа қарай он шақырым жерде, ошағы он шақырым тереңдікте орналасқан.
Магнитудасы 4,5 екінші жер сілкінісі UTC уақыты бойынша 3:19-да (Нұр-Сұлтан уақыты бойынша 9:19-да) болды. Эпицентр Боразджан қаласынан оңтүстік-шығысқа қарай 17 шақырым жерде орналасқан.