+7 (777) 001 44 99
Қазақша
Русский
English
Қазақша
Русский
English
АҚШ Қырымды Ресейдің жері ретінде тануға дайын болуы мүмкін. Бұл туралы Bloomberg агенттігі дереккөздерге сілтеме жасап хабарлады, - деп хабарлайды Tengrinews.kz тілшісі.
Басылымның мәліметінше, АҚШ президенті Дональд Трамп Украина мен Ресей арасындағы соғысты тоқтатуға бағытталған кеңейтілген бейбіт келісімге қол жеткізуді көздеп отыр. 18 сәуірде Трамп пен мемлекеттік хатшы Марко Рубио келіссөздерде ілгерілеу болмаса, АҚШ бұл процестен шығуы мүмкін екенін айтқан.
Халықаралық құқыққа қайшы
Қырымды ресейге тиесілі деп тану халықаралық құқық пен күш қолдану арқылы территорияны басып алуға тыйым салатын келісімдерге қайшы болмақ. Украина президенті Владимир Зеленский бұған дейін бірнеше мәрте Қырымнан немесе басқа жерлерден бас тартпайтынын мәлімдеген. Ал бұл шешім Ресей президенті Владимир Путин үшін үлкен дипломатиялық жеңіс болар еді, себебі Кремль Қырымның ресейге тиесілі екенін мойындатуға талпынып келеді.
Алайда бұл мәселеге қатысты түпкілікті шешім әлі қабылданбаған. Келіссөздер барысымен таныс америкалық шенеунік бұл тақырыпқа пікір білдіруден бас тартқан.
Бейбіт келісім жобасы қандай?
Bloomberg-тің дерегінше, АҚШ өз одақтастарына ұсынған бейбіт келісім жобасында ресей басып алған жерлерді Мәскеудің бақылауында қалдыру, санкцияларды жұмсарту және Украинаның НАТО-ға ұмтылысын тоқтату ұсынылған.
Батыс елдерінің көпшілігі Қырымды, сондай-ақ ресей 2022 жылы қосып алған Донбасс, Херсон мен Запорожье облыстарын Ресей жері деп мойындамай отыр. Мәскеу бұл аймақтардың мәртебесі туралы мәселе жабық деп есептейді, ал Киев өз аумағынан бас тартуға қарсы.
Сілтемесіз жаңалық оқисыз ба? Онда Telegram желісінде парақшамызға тіркеліңіз!
