Ақтауда халықаралық фестивальге қатысушылар аптап ыстықтан есінен танып қалған

lada.kz

27 шілде, жексенбіде Ақтауда өтіп жатқан халықаралық өнер байқауы – AKTAU-MUSIC-FEST фестивалі қатысушылар мен көрермендердің бірі аптап ыстықтан есінен танып қалған, - деп хабарлайды Тengrinews.kz тілшісі Lada.kz-ға сілтеме жасап.

27 шілде, жексенбіде Ақтауда өтіп жатқан халықаралық өнер байқауы – AKTAU-MUSIC-FEST фестивалі қатысушылар мен көрермендердің бірі аптап ыстықтан есінен танып қалған, - деп хабарлайды Тengrinews.kz тілшісі Lada.kz-ға сілтеме жасап.

Куәгерлердің айтуынша, байқау өтіп жатқан Мұрат Өскенбаев атындағы филармония залында кондиционерлер жұмыс істемейді. Ғимарат ішінде ауа жоқ. Фестивальге қатысушылар таңғы сағат 10-нан бастап салқындатылмаған бөлмелерде отыруға мәжбүр болған.

Түске қарай бірнеше қыз бала есінен танып қалған. Зардап шеккендерге жедел жәрдем шақырылып, алғашқы көмек көрсетілді. Алайда ата-аналардың сөзінше, кейбір балалардың жағдайы әлі де жақсы емес.

Алдын ала мәлімет бойынша, концерт сағат 14:00-ге дейін жалғасады. Ашуға булыққан ата-аналар: "аптап ыстықта, әсіресе балалар үшін қарапайым жағдай жасалмай, мұндай ауқымды шараны қалай өткізуге болады?" – деп наразылық білдірді.

Оқиға орнында әкімдік өкілдері болмаған. Lada.kz тілшісі филармонияға хабарласқан соң, мәдениет мекемесінің өкілі: "кондиционерлер жұмыс істеп тұр, бірақ жүктемеге шыдамай жатыр", – деп түсіндірген.

Ата-аналар шұғыл шара қабылдап, балалар үшін қауіпсіз жағдай жасауды талап етіп жатыр.

Ақтау аптап ыстық