4 мамыр күні сағат 11:45-те ҚР Төтенше жағдайлар министрлігінің Сейсмикалық стансалар желісі жер сілкінісін тіркеді, - деп хабарлайды Tengrinews.kz тілшісі.
Дүмпу ошағы Алматыдан солтүстік-шығыс бағытта 447 шақырым жерде, Қытай Халық Республикасының аумағында орналасқан.
"Эпицентрдің координаттары: 41,670° солтүстік ендік, 82,310° шығыс бойлық. Қазақстан аумағында сілкініс сезілмеген", – делінген министрлік таратқан мәліметте.
Айта кетейік, бұған дейін, 1 мамырда Алматы облысының Кеген ауданындағы Қарқара ауылынан 10 шақырым жерде, яғни Алматыдан оңтүстік-шығысқа қарай 201 шақырым қашықтықта жер сілкінісі тіркелген еді. Сонымен қатар Қырғызстанның Қазақстанмен шекаралас аумағында да жерасты дүмпуі байқалған болатын.
Сілтемесіз жаңалық оқисыз ба? Онда Telegram желісінде парақшамызға тіркеліңіз!
