Мемлекет басшысы Қасым-Жомарт Тоқаев БҰҰ-ның Түрікменстанда өтетін Үшінші конференциясына қатысады, - деп хабарлайды Tengrinews.kz тілшісі.
"5 тамызда Мемлекет басшысы Қасым-Жомарт Тоқаев Түрікменстанның Аваза қаласында өтетін Теңізге шығар жолы жоқ дамушы елдерге арналған Біріккен Ұлттар Ұйымының үшінші конференциясына қатысады", - делінген хабарламада.
Айта кетейік, Біріккен Ұлттар Ұйымының конференциялары – даму, экология және басқа да өзекті мәселелер бойынша жаһандық проблемаларды талқылап, шешімдер қабылдауға арналған маңызды алаңдар.
Еске салайық, 3 тамызда Қазақстан Республикасына БҰҰ бас хатшысы Антониу Гутерриш Қасым-Жомарт Тоқаевтың шақыруымен ресми сапармен келеді.
Сілтемесіз жаңалық оқисыз ба? Онда Telegram желісінде парақшамызға тіркеліңіз!