+7 (777) 001 44 99
Қазақша
Русский
English
Қазақша
Русский
English
ПОДЕЛИТЬСЯ
Шетелдік БАҚ пен шетелдік көрермен Геннадий Головкин мен мексикалық Сауль Канело Альварес жекпе-жегіндегі қазақстандық әнші Димаш Құдайбергеннің өнерін назардан тыс қалдырмады, - деп хабарлайды Tengrinews.kz тілшісі.
Шетелдік БАҚ пен шетелдік көрермен Геннадий Головкин мен мексикалық Сауль Канело Альварес жекпе-жегіндегі қазақстандық әнші Димаш Құдайбергеннің өнерін назардан тыс қалдырмады, - деп хабарлайды Tengrinews.kz тілшісі.
Трилогия 18 қыркүйекте Лас-Вегаста өтті және 12 раундқа созылды. Шетелдік көрермен мен Желі қолданушылары Димаштың орындауындағы Қазақстан Әнұранына тәнті болып, оның өнерінен кейінгі әсерлерін бөлісті.
Dimash Qudaibergen will perform the anthem of Kazakhstan at today’s FIGHT NIGHT 🇰🇿🇰🇿🇰🇿 pic.twitter.com/RprZraEZWd
— Gennadiy Golovkin (@GGGBoxing) September 17, 2022
Мексикалық TUDN порталы "Канело - GGG: Қазақстан Әнұранын кім шырқады" деген мақала жариялады. Мақала авторлары қазақстандық әншінің өнерінен кейін, Twitter желісінде мексикалықтар арасында жаңа тренд пайда болғанын атап өтті. Портал мексикалық желі қолданушылары Димаштың өнеріне тәнті болғанын атап өтті.
Испанияның белгілі Marca спорт басылымы "Димаш Құдайберген Қазақстан Әнұранын әсерлі орындап шықты" деген мақала жариялады. Олар әншінің дауысы аренаға жиналғандардың бәрін таңғалдырғанын атап өтті. Портал ән орындалған соң бәрі өнер иесіне ду қол шапалақ ұрғанын жазады.
Тағы бір мексикалық портал - AS México да қазақстандық әншінің жарқын өнерін атап өтіп, оның шығармашылығын қысқаша өмірбаянымен таныстырып өткен.
Mexico ES Euro News порталы Димаш Құдайберген Әнұранды орындап, барша көрерменді таңғалдырды деп жазады. Мақала авторлары әншінің ерекше дауыс тембрімен танылып, түрлі вокалдық байқауларға қатысқанын атап өтті. Мақала соңында Қазақстан Әнұранының испан тіліне аудармасы ұсынылған.
ESPN Knockout спорт порталы Twitter-парақшасында Әнұран орындап жатқан әншінің суретін жариялаған.
Se entona el himno de Kazajistán interpretado por Dimash Kudaibergen 🇰🇿
— ESPN KnockOut (@ESPNKnockOut) September 18, 2022
🔥 EN VIVO 🔥 por #ESPNKnockOut desde Las Vegas
📺 ESPN (para toda Latinoamérica excepto 🇧🇷) pic.twitter.com/gJcsobwNSW
SportsCenter спорт порталы да қазақстандық өнерпаздың өнерін назардан тыс қалдырмады.
Айта кетейік, қазақстандық әншінің өнерін Желі қолданушылары да қызу талқылап, Twitter-де өз реакциясын қалдырып жатыр. Сонымен, аргентиналық қолданушылардың бірі Димаштың өнеріне қатысты былай деп пікір білдірген.
"Керемет, таңғаларлық, сиқырлы. Ол әлемдегі ең жақсы әнші!!!! Димашқа бола Аргентинадан жекпе-жекті көрдім және соның арқасында GGG чемпионымен таныстым", - дейді қолданушы.
IMPRESIONANTE !!!!! Épico, increíble, hipnótico, mágico. Para mi es el mejor cantante de este mundo !!!!✌❤🤘. Desde Argentina viendo la pelea por Dimash y gracias a él conocí a este campeón GGG. @dimash_official pic.twitter.com/SPW3WuXOOl
— @Mony_Mony (@MonyMony_Argent) September 18, 2022
"Канелоның жекпе-жегін көруге барып, қазақ әншісіне тәнті болдым! Мен мұндай керемет дауысты естіген емеспін!" – деді мексикалық қолданушылардың бірі.
Pero queee es estooo?
— Win 🐰 🇲🇽 (@Snow_BallPower) September 18, 2022
Venía a ver la pelea del Canelo y termine encantada con el cantante Kazajo! Jamás había escuchado una voz tan increíble!! #Dimash @dimash_official pic.twitter.com/48OxP9RqpH
Әншінің Коста-Рикадан келген жанкүйерлері де оның өнерін назардан тыс қалдырған жоқ. "Димаш, біз сені жақсы көреміз" делінген олардың жазбасында.
Димаш Құдайберген – әнші, композитор және мультиаспапшы. Бүкіл әлемге қазақстандық әнші ретінде танымал. Ол қытайлық I am Singer музыкалық байқауына қатысқаннан кейін кеңінен танымал болды.
Сілтемесіз жаңалық оқисыз ба? Онда Telegram желісінде парақшамызға тіркеліңіз!
