Tengri FM Радиосы Радио Жұлдыз FM Қазақстан заңдары Экономика сабақтары
KZ RU EN
Бізге жазба жолдау +7 (727) 388 8124
искать через Tengrinews.kz
искать через Google
искать через Yandex
USD / KZT - 333.32
EUR / KZT - 392.58
CNY / KZT - 50.02
RUB / KZT - 5.64

Қытайда қазақтың ұлттық киімдерін дайындау мектебі ашылды

24 Қараша 2015, 17:15
0
© 24.kz
© 24.kz

Қытайда қазақтың ұлттық киімдерін дайындау да жеке мамандыққа айналды, - деп хабарлайды 24.kz телеарнасы. 

Телеарна тілшілерінің мәліметінше, осындай мектеп ашылып, оны аяқтағандарға арнайы куәлік беріледі әрі тұрақты жұмыспен қамтылады. Бүгінге дейін дәл осылай жүзден астам өрімдей жас осы мектептің түлегі атанған. Шағын шеберхана, қызу қарбалас және ұлттық киімдер. Сырттай қарағанда Қытайда кеңінен етек жайған тігу цехтарының бірі сияқты. Бір ерекшелігі бұл шағын шеберхананың арнайы кәсіптік мектеп деген атауы бар. Яғни оны аяқтаған мамандар аймақтағы фабрикаларға жұмысқа орналасады. Тіпті, жеке кәсібін ашып алғандары да бар. Қазақ ұлттық киімдерін дайындау мектебінің директоры Жеңісгүл Нұрданақынқызының айтуынша, оқушылар үш түрлі бағытпен тәрбиленеді. "Біріншісі - осы мектептен шыққан қыз-келіншектерді оқу ордамызда алып қалу. Екіншісі - осы мамандық бойынша ауылдардан, елді мекендерден кәсіп аша алады. Үшіншісі - еліміздегі және шетелдегі осындай ірі кәсіпорындарға жұмысқа орналастыру", - деді Нұрданақынқызы.

Өнімдер тек Қытайда емес, Моңғолия, Қазақстан, Түркияға да жіберіледі. Бұдан бөлек, дәл осы орталықта дайындалатын киім-кешектер мен киіз үйлерге мұражайлар тарапынан тапсырыс жоғары. Киіз үй демекші, ұжым алдағы жылы дәл осындай этнопарк ашпақшы. Бұл мақсатта жергілікті билік сегіз гектар жер бөлді. Ол жерде 22 түрлі 100 киіз үй бой көтереді. Ал Құлжа қаласындағы қазақ ұлттық музейінің басшысы Әзірәлі Әміртбекұлы қазақтың үйі тек қара лашық емес, таудың басына тігілетін жайлаудағы үй ғана емес, ол 22 түрге бөлінеді дейді. "Ханның үйі, қарашаның үйі деген секілді. Ал енді біздің мақсатымыз - сол 22 түрлі киіз үйді ауыл ретінде құрып, біздің мәдениетімізді басқа ұлттарға таныстыру", - деді тілшілерге берген сұхбатында музей басшысы. 

Қазір ұжым аталған этнопарк элементтерін жасауға қызу кірісіп кетті. Келесі жылдың соңына дейін демалыс әрі танымдық орталық бұқараның қолданысына беріледі деп күтілуде. Бұдан бөлек, қазақтың осы киіз үйлері мен ұлттық киімдерін жан-жақты зерделеу мақсатында кәсіптік мектеп жанынан арнайы зерттеу орталығы ұйымдастырылмақ.


Нравится
Поделиться
Пікір қалдырыңыз
Оқылып жатыр
Талқыланып жатыр
Бүгін
Апта
Ай