Қырғыз ағайындардың "Құрманжан датқасы" туралы кеше жазып едім. "Ақыр айтқан екенсің, кемшіліктерін неге атап көрсетпейсің?" деген пікірлер айтылып жатыр. Айтайын. Алдын ала айтып қояйын-бұл менің жеке субьективті пікірім. Аталған фильмде екі нәрсе көңіліме қонбады. Біріншісінде, Қоқанға барып келе жатқан Әлімбек датқаны өз ішінен шыққан сатқын намаз оқып отырған жерінде қылышпен шауып өлтіреді. Мұсылман мұсылманды намаз оқып отырған жерінде өлтірмесе керек! Тарих бойынша әлгі Әлімбек датқа жұмбақ жағдайда қайтыс болынды делінген. Фильм сценарийіндегі үлкен қателік осы. Екінші қателік- Құрманжан датқа орыс басқыншылары көз алдында ұлы Қамшыбекті дарға асып жатқанда ләм-лим демей қарап тұрады.