Апта теңгенің долларға қатысты бағамының рекордтық көрсеткішімен қорытындыланды
© Тұрар Қазанғапов
29 сәуірдегі KASE таңғы сессиясында теңгенің долларға қатысты бағамы 327,41-ге тең болды, - деп хабарлайды Tengrinews.kz тілшісі.
Бүгін күндізгі сессиядағы бірінші келісім 327,8 теңгемен өтті. Ең жоғарғы баға да осы. Ал төменгі баға 327,2 теңгеге дейін түсті. Сауда көлемі - 114,4 миллион доллар. Kurs.kz порталының мәліметінше, ақша айырбастау орындары шетел валютасын 325,5-328 теңге аралығында саудалап жатыр.
ICE биржасының мәліметтеріне сүйенсек, Астана уақыты бойынша сағат 15.17-де Brent маркалы мұнайдың баррель құны 48,35 долларға тең болды.