Ұлыбританияның Barclays деп аталатын ең ірі қаржы компаиясы YouTube арнасында адамдарды банкоматтан ақша алу кезінде сақ болуға шақыратын видео жария етті.
Роликте алаяқтардың банк клиентін оңай алдап түсіретін жолы көрсетілген. Қаскүнемге бұл әрекетке бірнеше секундтың өзі жеткілікті екен. Ол тез арада пластикалық картадан мәліметтерді алып үлгереді.
Barclays өкілдерінің мәліметінше, мұндай алаяқтық түрі соңғы уақытта батыс елдерінде өте көп кездеседі екен. Ұлыбританияда мұндай алаяқтық түрінен ондаған адам жапа шекті.