1. Басты
  2. Біл
  3. Экономика
  4. Қаржы-қаражат

Қазақстанда АЕК пен ең төменгі зейнетақы өседі

Фото: Тұрар Қазанғапов Фото: Тұрар Қазанғапов

Қазақстанда айлық есептік көрсеткіш пен ең төменгі зейнетақы өседі, - деп хабарлайды Tengrinews.kz тілшісі. Бұл туралы Алматы қаласы бойынша Еңбек, әлеуметтік қорғау және көші-қон департаментінің басшысы Айдынжан Нарматов айтты.

Оның айтуынша, "2020-2022 жылдарға арналған республикалық бюджет" туралы заңға өзгертулер енгізілді. Енді 2020 жылдың 1 сәуірінен бастап:

  • айлық есептік көрсеткіш - 2 778 теңге (2020 жылдың 1 қаңтарынан бері 2 651 теңге еді);
  • ең төменгі зейнетақы - 40 441 теңге (2020 жылдың 1 қаңтарынан бері 38 636 теңге еді);
  • күнкөріс деңгейі - 32 668 теңге (2020 жылдың 1 қаңтарынан бері 31 183 теңге еді);
  • базалы зейнетақының ең төменгі мөлшері- 17 641 теңге (2020 жылдың 1 қаңтарынан бері 16 839 теңге еді);
  • ең төмен жалақы - 42 500 теңге.

Мұның алдында Нарматов индекстелген зейнетақы мен жәрдемақының қазақстандықтарға қашан берілетінін айтқан еді.

Қазақстан жаңалықтары. Соңғы жаңалықтар. Telegram желісінде бізге жазыл!