Ұлттық банк 137,5 миллион долларға интервенция жүргізді

30 Қыркүйек 2015, 11:03
0
Ұлттық банк 137,5 миллион долларға интервенция жүргізді - © REUTERS
© REUTERS

ҚР Ұлттық банкі 29 қыркүйекте 137,5 миллион долларға валюта интервенциясын жүргізді, - деп хабарлайды Tengrinews.kz тілшісі. Осылайша интервенцияның жалпы көлемі 832,2 миллион доллардан асты. Айта кетейік, 29 қыркүйек кешкі сессиясында доллар бағамы 271,54 теңгеге тең болды, ал сауданың жалпы көлемі 4,5 миллион доллардан асты.

Сонымен қатар, Ұлттық банк тамыздағы Қазақстан Республикасының айырбастау орындарының қолма-қол шетел валютасын сатуы және сатып алуы жөніндегі ақпартты жариялады. Доллар бойынша ең жоғарғы көрсеткіш Алматыда болды. Қазақстан бойынша 1 548,3 миллион сатылып, 997,8 миллион доллар сатып алынған.

Нақтырақ айтқанда, Алматыда 649,7 миллион сатылып, 428,69 миллион доллар сатып алынды. Екінші орында Астана тұр, елордада 177,2 миллион сатып алынып, 182,4 миллион доллар сатылған. Үшінші орында - ОҚО, мұнда 74,8 миллион доллар сатып алынып, шетел валютасы екі есе аз мөлшерде сатылды.


  • Подписаться на канал новостей TengriNews:

  • Google News
  • Yandex News
  • Yandex Zen

Нравится Поделиться
Пікір қалдырыңыз
Оқылып жатыр
Талқыланып жатыр
Бүгін
Апта
Ай