Реклама +7(700) 388 81 09
  1. Басты
  2. Біл
  3. Тағайындау

Айдарбек Сапаров Солтүстік Қазақстан облысының әкімі болды 01 желтоқсан 2022, 11:15

Айдарбек Сапаров Солтүстік Қазақстан облысының әкімі лауазымына тағайындалды, - деп хабарлайды Tengrinews.kz тілшісі Ақорда сайтына сілтеме
  • ПОДЕЛИТЬСЯ
  • Vkontakte
  • Facebook
  • Twitter
  • Одноклассники
  • Telegram
  • WhatsApp
  • Қате таптыңыз ба?

Фото:gov.kz Фото:gov.kz

Айдарбек Сапаров Солтүстік Қазақстан облысының әкімі лауазымына тағайындалды, - деп хабарлайды Tengrinews.kz тілшісі Ақорда сайтына сілтеме жасап.

"Айдарбек Сейпілұлы Сапаров Солтүстік Қазақстан облысының әкімі лауазымына тағайындалсын", - делінген Жарлықта.

Айта кетейік, Айдарбек Сапаров 1966 жылы 12 маусымда Солтүстік Қазақстан облысы Булаев ауданы Красное ауылында туған. Омбы ауыл шаруашылығы институты зоотехника факультетін (1992) зооинженер мамандығы бойынша; М.Қозыбаев атындағы Солтүстік Қазақстан мемлекеттік университетінің мемлекеттік және жергілікті басқару факультетін (2006) "Мемлекеттік басқару" мамандығы бойынша бітірген. Қазақ және орыс тілдерін біледі.

1983 жылдан - Солтүстік Қазақстан бухгалтерлер мектебінің оқушысы (Петропавл қаласы).

1984 жылдың тамызынан - Калинин атындағы кеңшардың есепшісі (Солтүстік Қазақстан облысы Булаев ауданы Надежка ауылы).

1984 жылдың қазанынан - Кеңес Әскерінің қатарында қызметте. 1987 жылдан - Омбы ауыл шаруашылығы институтының студенті.

1992 жылдан - Калинин атындағы ҚС таратушы зоотехнигі, коммерциялық директоры (Солтүстік Қазақстан облысы Булаев ауданы Надежка ауылы). 1995 жылдан - "Ноғайбай" ЖШС директоры, бас директоры (Петропавл қаласы).

2003 жылдан - "Азық-түлік корпорациясы" АҚ Солтүстік Қазақстан облыстық өкілдігі директорының орынбасары, 2005 жылдан - бірінші орынбасары (Петропавл қаласы). 2006 жылдың наурызынан - ҚР Ауыл шаруашылығы министрлігі Солтүстік Қазақстан облысы бойынша облыстық аймақтық басқармасының бастығы, 2006 жылдың қыркүйегінен - облыстық аймақтық инспекциясының бастығы (Петропавл қаласы). 2006 жылдың қарашасынан - Солтүстік Қазақстан облысы Шал ақын ауданының әкімі.

2008 жылдан - Солтүстік Қазақстан облысы Мағжан Жұмабаев атындағы ауданының әкімі.

2010 жылдың сәуірінен бері - Солтүстік Қазақстан облысы әкімінің ауыл шаруашылығы жөніндегі орынбасары.

Еске салайық, бұған дейін СҚО әкімі Құмар Ақсақалов болған.

Сілтемесіз жаңалық оқисыз ба? Онда Telegram желісінде парақшамызға тіркеліңіз!


Join Telegram